BATANGAS CITY – Nasunog ang isang dalawang-palapag na residential building sa Mercedes Subdivision, Barangay Soro Soro Ilaya, Batangas City ngayong Lunes, Setyembre 29.
Agad na rumesponde ang Batangas City Fire Station matapos ideklara ang First Alarm alas-11:59 ng umaga.
Makalipas ang ilang minuto, idineklarang Fire Under Control ang sunog alas-12:18 ng tanghali, bago tuluyang Fire Out alas-12:21 ng tanghali.
Sa kabila ng insidente, walang naiulat na nasawi, nasugatan o nawawala.
Patuloy namang isinasagawa ang nararapat na imbestigasyon upang matukoy ang sanhi at lawak ng pinsala ng sunog.
