JOMALIG ISLAND — Dumating na sa isla ng Jomalig, Quezon ang mga family food pack mula sa Department of Social Welfare and Development (DSWD) na nakatakdang ipamahagi sa 2,450 benepisyaryo sa gitna ng epekto ng El Niño nagdulot ng kawalan ng hanapbuhay ng mga magsasaka na hindi makapagtanim dulot ng kakapusan ng suplay ng tubig.
Ang mga family food packs ay mula sa kahilingan ni Jomalig Mayor Nelmar T. Sarmiento kay DSWD Secretary Rex Gatchalian., sa pakikipag-ugnayan kay Quezon 1st District Rep. Wilfrido Mark M. Enverga.
Laman ng family food packs ang limang kilo ng komersiyal na bigas.
Nasa ilalim ng state of calamity ang bayan ng Jomalig dahil sa tagtuyot na nararanasan dulot ng El Niño.
Dahil isla ang Jomalig, kinailangang isakay sa mga bangka ang mga food packs at suplay upang maihatid ang ayuda sa mga residente.
Nagpasalamat naman ang lokal na pamahalaan ng Jomalig sa DSWD at sa mga opisyal na tumulong upang maihatid ang tulong sa mga pamilyang nangangailangan.
Patuloy rin ang pakikipag-ugnayan ng lokal na pamahalaan sa mga kinauukulang ahensya upang makakuha ng karagdagang suporta para sa mga residenteng apektado ng El Niño.
