Calapan City, Oriental Mindoro – Isang bangkay ng babaeng estudyante ang natagpuan sa madamong bakanteng lote sa gilid ng barangay road ng Barangay Sapul sa Calapan City, Oriental Mindoro nitong Sabado ng 1:15 ng madaling araw.
Sa inisyal na report mula kay PLTCol. Michael Caraggayan, hepe ng Calapan City Police, nakilala na nila ang biktima na isang 20 anyos na estudyante at residente ng Barangay Labunan sa bayan ng Bongabong, Oriental Mindoro.
Naipagbigay alam na din sa pamilya ang insidente.
Tumanggi muna ang Calapan City Police na magbigay ng karagdagang detalye habang nagpapatuloy pa ang imbestigasyon pero kinumpirma nila na may mga sugat ang biktima.
Wala pa rin natutukoy na suspek sa krimen.
