BATANGAS CITY – Nasagip ng mga rescue team mula sa Bureau of Fire Protection ng Batangas City ang mga estudyante na natrap sa elevator ng University of Batangas- Main Campus sa Hilltop , Barangay Kumintang Ibaba.
Hindi nagbigay ng iba pang detalye ang BFP Batangas City ngunti sa ulat ng university publication na The Westernian Advocate na pitong estudyante ang natrap sa loob ng elevator ng Western Hall noong Martes.
Tatlong oras umano na natrap ang mga estudyante mula alas-4:00 ng hapon hanggang masagip ng mga rescue team mula sa Bureau of Fire Protection, City Disaster Risk Reduction and Management Office at Philippine Red Cross bandang 7:00 pm
Sinasabing nag-malfunction umano ang elevator.
Ligtas naman ang lahat ng estudyante.
Wala pang pahayag ang University of Batangas.
