OCCIDENTAL MINDORO — Bitbit ang pangalan ng Occidental Mindoro, sasabak si Matthew Allen P. Austria sa prestihiyosong Mr. Icon Philippines 2026 na gaganapin sa Oktubre 13 hanggang 17 sa North EDSA Skydome sa Quezon City.
Noong Oktubre 5, bumisita si Austria sa Pamahalaang Panlalawigan ng Occidental Mindoro bilang bahagi ng kaniyang paghahanda para sa pambansang patimpalak.
Layunin niyang maipakita hindi lamang ang kaniyang kakayahan kundi maging ang mga positibong pagpapahalaga at potensiyal ng kabataang Mindoreño.
Ipinahayag naman ni Gobernador Eduardo B. Gadiano, ang suporta kay Austria sa kaniyang paglahok sa kompetisyon.
Ayon sa pamahalaang panlalawigan, magsisilbing kinatawan ni Austria ang Occidental Mindoro sa naturang patimpalak, kung saan inaasahang maipagmamalaki niya ang talento at kakayahan ng mga kabataang Mindoreño.
Kaisa ang pamahalaang panlalawigan at mga residente ng Occidental Mindoro sa kaniyang paglalakbay sa Mr. Icon Philippines 2026.
