MANILA – Personal na tinanggap ni Occidental Mindoro Rep. Odie Tarriela ang 1,000 Charitimba mula sa Philippine Charity Sweepstakes Office (PCSO) na ipamamahagi sa mga nangangailangang mamamayan, partikular sa mga pamilyang nasalanta ng kalamidad.
Layunin ng tulong na maipaabot ang suporta sa mga kababayang nangangailangan, lalo na sa mga komunidad na apektado ng mga sakuna.
Nagpasalamat si Tarriela kina PCSO General Manager Melquiades “Mel” A. Robles at PCSO Chairman Judge Felix Reyes sa tulong na inilaan para sa mga residente ng Occidental Mindoro.
Inaasahang mapakikinabangan ng mga benepisyaryo ang mga Charitimba bilang dagdag na suporta sa pagharap sa kanilang mga pangangailangan, lalo na sa panahon ng kalamidad.
