MANILA – Dagdag-sahod na hanggang ₱45 kada araw ang ipatutupad sa mga minimum wage earner sa CALABARZON simula Oktubre 26.
Ayon sa Department of Labor and Employment (DOLE), tinatayang nasa mahigit 1.5 milyong minimum wage earners sa rehiyon ang makikinabang sa bagong wage order, na katumbas ng humigit-kumulang ₱1,170 dagdag sa buwanang kita.
Inanunsyo ng Regional Tripartite Wages and Productivity Board 4A at National Wages and Productivity Commission ang naturang umento, na pinagtibay sa pamamagitan ng tripartite mechanism na kinabibilangan ng mga kinatawan ng manggagawa, employer at pamahalaan.
Alinsunod ito sa Wage Rationalization Act na nagtatakda ng proseso sa pagrepaso at pagsasaayos ng minimum wage sa bansa.
Samantala, sinabi ni Secretary Francis N. Tolentino na mahigpit na babantayan ng DOLE Regional Office 4A ang mga establisimyento sa rehiyon upang matiyak ang pagsunod sa bagong wage order.
