MANILA– Itinalaga ng Philippine Coast Guard (PCG) bilang Auxiliary Commodore si Oriental Mindoro Gov. Humerlito “Bonz” A. Dolor.
Ginawa ang seremonya noong Lunes, Setyembre 28, bilang pagkilala sa kanyang pamumuno at suporta sa pagsusulong ng kaligtasan sa karagatan sa lalawigan.
Kinikilala rin ng PCG ang mga hakbang ni Dolor bilang gobernador upang suportahan ang mga programa para sa ligtas na operasyon ng mga sasakyang pandagat at kaligtasan ng mga pasahero sa Oriental Mindoro.
