OCCIDENTAL MINDORO – Niyanig ng magntide 4 na lindol nitong Huwebes ng gabi ang Occidental Mindoro na naramdaman hanggang sa Oriental Mindoro.
Ayon sa Philippine Institute of Volcanology and Seismology o PHIVOLCS, naitala ang pagyanig bandang 10:43 ng gabi at ang epicenter nito ay nasa layonng 24 kilometro sa kanluran ng bayan ng Mamburao.
May lalim ang lindol na 33 kilometro.
Naramdaman ang pagyanig sa Intensity 3 sa Mamburao, Occidental Mindoro.
Intensity 2 sa Calapan City, Oriental Mindoro at Intensity 1 sa Abra de Ilog, Occidental Mindoro.
Dagdag ng PHIVOLCS, walang aftershocks o pinsala na inaasahan ang lindol.
