SAN PASCUAL, Batangas – Lumantad na ang traysijkel drayber sa viral video ng isang aso na nakatali sa traysikel habang nakakaladkad sa highway ng Barangay San Antonio sa San Pascual, Batangas.
Boluntaryong nagtungo nitong Biyernes ng umaga sa San Pascual Municipal Police Station ang drayber ng traysikel at siya rin may-ari ng aso upang magbigay ng kaniyang panig.
Ayon sa drayber, hindi niya namalayan na tumalon ang aso sa traysikel.
Nalaman lamang umano niya ito ng sabihan siya ng isang traysikel drayber ng siya ay napadaan sa terminal.
Tatlong buwan pa lamang umano ang kaniyang alagang aso at isinama niya dahil may susunduin lamang siya sa Bauan.
Nangutang pa umano ang traysikel drayber para maipagamot ang aso.
Nagbigay na ng sinumpaang salaysay ang may-ari ng aso sa mga otoridad para ipaliwanag ang nangyari.
Nagkausap na rin ang may ari ng aso at ang Animak Kingdom Foundation.
Ayon sa San Pascual Police nakauwi na rin ang may-ari ng aso at walang kasong isasampa laban sa kaniya.
