BATANGAS – Muling naitala ang panibagong mahinang pagputok sa Bulkan Taal ngayong Martes ng madaling araw.
Sa advisory na inilabas ng PHIVOLCS , bandang 12:29 ng madaling araw nang mangyari ang minor phreatic eruption sa main crater ng Bulkan Taal.
Lumikha ito ng 300 metro na taas ng usok mula sa crater.
Nananatili pa rin ang Alert Level 1 sa Bulkan Taal at mahigpit na ipinagbabawal ang pagtungo o pagpunta sa Taal Volcano Island.
