Rosario,Batangas – Natagpuan na ng search and rescue teams ang bangkay ng 40 taong gulang na babae na nawawala matapos tangayin ng rumaragasang tubig ng Panisingan river ang sinasakyan nilang jeep matapos subukang tumawid sa spillway sa Barangay Colongan noong Sabado ng hapon.
Pasado alas-9:00 ng umaga ngayong Linggo ng matagpuan ang katawan ng biktima.
Hinahanap pa rin ang kaniyang 44 na taong gulang na asawa.
Ang mag-asawa ang may-ari ng jeep na may kabuuang lulan na 14 na katao na mula sa Taysan,Batangas at patungo sana sa isang poultry farm para magharvest ng mga manok.
Una nang nailigtas ng mga residente ang 12 iba pa.
