CALAPAN CIY, Oriental Mindoro – Higit 100 residente ng Barangay Sto. Niño sa Calapan City, Oriental Mindoro ang naging benepisyaryo sa ikalawang araw ng Alagang Ina, Alagang Pamilya Medical mission na handog ni Pola Mayor Jennifer “Ina Alegre” Mindanao -Cruz.
Ayon kay Mayor Cruz, patuloy niyang inilalapit ang libreng serbisyong medikal sa mga residente ng Oriental Mindoro lalo’t higit sa mga nasa malalayong lugar .
Kaagapay ni Mayor Cruz sa programa ang “LAB for All” bus na handog ni First Lady Liza Marcos para sa pag-iikot sa mga liblib na barangay.
Sa Barangay Sto. Niñ0, Calapan City halos 50 pasyente ang naging benepisyaryo ng libreng bunot ng ngipin na pinanguhan ni Dr. Dianna Datu – Retusto.
Ayon kay Cruz, siya lamang ang pinagkalooban ng LAB for All bus sa buong Oriental Mindoro kaya nais niyang gamitin ito upang maihatid ang libreng serbisyong medikal sa iba’t ibang bahagi ng lalawigan.
Kabilang sa mga serbisyong ipinagkaloob nang walang bayad ang general consultation, basic laboratory services gaya ng X-ray, libreng gamot at dental services .
Matapos ang isinagawang medical mission sa Naujan at Calapan City, nakatakdang puntahan sa Nobyembre ang mga bayan ng Bongabong at Roxas.
Sa pamamagitan ng programang ito, layuning mabawasan ang gastusin at hirap sa pagbiyahe ng mga residente upang makakuha ng pangunahing serbisyong pangkalusugan.
Noong Sabado, nagsagawa rin ng medical mission sa Barangay Bagong Buhay sa Naujan kung saan nasa 240 ang naging benepisyaro.
