BABALA: MASELAN ANG ISTORYA!
LIPA CITY, Batangas – Patay ang isang ginang matapos pagsasaksakin ng kaniyang asawa sa kanilang bahat sa Villa San Jose, Barangay Marawoy, Lipa City, Biyernes ng hapon.
Ayon sa report, bandang 1:45 ng hapon nang maging ang anak ng biktima na si CL na natutulog sa second floor ng bahay dahil sa malakas na ingay na nagmumula sa 1st floor ng bahay.
Nang bumaba si CL doon niya nakita ang kaniyang ina na nakahandusay sa comfort room at duguan.
Nakita rin niya ang kaniyang ama na may hawak na kutsilyo at sinasaksak ang sarili.
Mabilis na humingi ng tulong sa mga kapitbahay si CL at pagresponde ng mga barangay officials ay agad nilang inaresto ang kaniyang ama na itinuturing ngayong suspek.
Itinakbo pa ng mga rescue team mula sa City Disaster Risk Reduction and Management Office sa Metro Lipa Medical Center ang mag-asawa pero binawian ng buhay ang ginang.
Nagpapatuloy pa rin ang imbestigasyon sa kaso at inaalam ang puno’t dulot ng insidente.
