LIPA CITY, Batangas – Karumal-dumal ang sinapit ng isang 20 anyos na architecture student ng National University matapos matagpuang tadtad ng saksak sa iba-ibang parte ng katawan malapit sa boundary ng Brgy. Pinagtongulan at Brgy. Duhatan sa Lipa City, Batangas, bandang 7:00 ng gabi nitong Miyerkoles.
Rumesponde ang mga barangay tanod matapos matagpuan sa kalsada ang nakahandusay na biktima na unang inakalang biktima ng aksidente.
Ngunit ng kanilang itakbo ang biktima sa ospital kung saan siya idineklaranng dead on arrival ay natuklasan na biktima pala ito ng pananaksak.
Sa pagsusuri ng mga otoridad sa CCTV, makikita ang biktima na solong naglalakad sa kalsada pauwi na sa kanilang bahay nang isang motorsiklo ang nakitang sumunod dito.
Pagdating sa madilim na bahagi ng kalsada doon na isinagawa ang krimen.
Hindi makilala ang lalaking sakay ng motorsiklo dahil nakabalot ang mukha nito .
Wala rin umanong plaka ang motorsiklo.
Nakausot pa ng school uniform at school ID ang biktima .
Iba-ibang anggulo na ang sinisilip ng mga otoridad kabilang ang may kinalaman sa dating boyfriend, manliligaw at isang nabusted na manliligaw.
Hanggang ngayon, wala pa rin linaw ang kaso.
