BATANGAS – Sinampahan na ng kasong murder sa Office of the City Prosecutor ng Sto. Tomas City, Batangas ang walong sangkot sa pagpatay kay Brgy. Sta. Anastacia Chairman Dennis Austria.
Ayon sa Batangas Police Provincial Office, kabilang sa mga sinampahan ng kaso ay sina Alyas Ben, Arnold, Bernard, Joey, Kevin, Kepoy, Kuya Fernand at Alyas 1st.
Tanging si Alyas Ben pa lamang ang naaresto ng mga otoridad noong 12:05 ng madaling araw noong Martes sa Barangay Balagtasin, San Jose, Batangas,
Patuloy pa rin na pinaghahanap ang pitong iba pa kabilang na ang mastermind, gunman at isang barangay kagawad.
Si Alyas Ben ang natukoy na drayber ng motorsiklo na ginamit sa pagtakas ng mga suspek matapos maisagawa ang krimen.
Kita sa CCTV footage na lumipat pa siya sa isang kotse matapos ang insidente.
Narekober din ang nasabing kotse na nakarehistro sa suspek.
