ABRA DE ILOG, Occidental Mindoro — Tumanggap ng ₱5 milyon na Seal of Good Local Governance (SGLG) Incentive Fund ang lokal na pamahalaan ng Abra de Ilog bilang pagkilala sa pagkakamit nito ng 2024 SGLG Award.
Personal na iginawad ni Occidental Mindoro Gov. Eduardo B. Gadiano ang insentibong pondo sa LGU Abra de Ilog.
Ang SGLG Incentive Fund ay ibinibigay sa mga lokal na pamahalaang nakapagtamo ng pagkilala para sa mahusay na pamamahala.
Maaari itong gamitin ng LGU upang suportahan ang mga lokal na development initiatives at mga proyektong tumutugon sa pangangailangan ng komunidad.
Sa pamamagitan ng ₱5 milyong pondo, inaasahang madaragdagan ang kakayahan ng Abra de Ilog na ipatupad ang mga programang nakatuon sa pagpapaunlad ng bayan at pagpapahusay ng serbisyo publiko.
Patuloy namang isinusulong ng pamahalaang panlalawigan sa ilalim ng pamumuno ni Gov. Gadiano ang mga programang nakatuon sa paghahatid ng serbisyo at pangmatagalang pag-unlad sa mga komunidad ng Occidental Mindoro.
